Datblygiad

Rôl yr adran Datblygu yw cydlynu’r modd y darperir tai cymdeithasol newydd i ychwanegu at stoc ar rent y Grŵp neu’r portffolio o eiddo ar gyfer rhanberchenogaeth neu ar werth.  Mae’r adran hefyd yn rheoli’r gwaith gwella a gynllunir, cynnal a chadw ymatebol a chynnal a chadw cylchynnol ar yr eiddo ar rent.

Mae’r adran yn gweithio’n glos gydag aelodau o’r adrannau Gwasanaethau Tai a Thai gyda Gofal a Chefnogaeth, a’r Awdurdodau Lleol yn ardaloedd gweithredu’r Grŵp. Mae lefel ariannu datblygu’r Grŵp (Grant Tai Cymdeithasol) yn ddibynnol iawn ar allu’r adran i fodloni gofynion yr awdurdodau lleol trwy ddarparu’r mathau o dai y mae arnynt eu hangen yn yr ardaloedd lle mae’r angen mwyaf.

Dynodir safleoedd posibl i’w datblygu yn ardaloedd blaenoriaeth yr awdurdodau lleol a gofynnir i’r adrannau Gwasanaethau Tai, Tai gyda Gofal a Chefnogaeth a’r awdurdodau lleol os byddant yn cefnogi’r datblygiad, ac os felly gynnig syniad o’r galw am y gwahanol fathau o dai yn yr ardal. Yr ymateb yw’r sail ar gyfer y dyluniad manwl y mae’r adran yn penderfynu ar hyfywedd y datblygiad oddi wrtho cyn symud ymlaen i adeiladu. 

Mae’r holl waith paratoi gwybodaeth tendr, manylebau, darluniau a dogfennau cytundeb yn cael ei oruchwylio gan yr adran, ac mae’r adran Dechnegol yn gwirio bod yr holl gynigion yn cydymffurfio â’r safonau a osodir gan Gynulliad Cenedlaethol Cymru.