Datganiad o Werthoedd

Datganiad o Werthoedd

Mae Grŵp Tai Pennaf wedi cytuno ar y Datganiad Gwerthoedd Craidd canlynol, sy’n ymrwymo staff ac Aelodau’r Bwrdd i wneud eu dyletswyddau o fewn y fframwaith hwn o werthoedd sylfaenol:

Ansawdd a Bod yn Ymatebol

• Rydym yn ymdrechu am ragoriaeth, tegwch, proffesiynoldeb a chysondeb yn y gwasanaethau yr ydym yn eu darparu.
• Byddwn yn trin ein cwsmeriaid mewn modd cyfeillgar, parod i helpu a chwrtais a byddwn yn ymdrechu i wneud pethau’n iawn, y tro cyntaf.
• Rydym yn anelu i ddarparu gwasanaethau o ansawdd, cost effeithiol, gan sicrhau gwerth gorau trwy’r Grŵp cyfan, gan ystyried bod ein tenantiaid a’n cwsmeriaid yn talu am ein gwasanaethau.  Er mwyn sicrhau hyn byddwn yn adolygu ein dulliau o ddarparu gwasanaeth yn gyson trwy ymgynghori â’n cwsmeriaid i sicrhau bod gwasanaethau’n cael eu darparu yn y modd mwyaf cost effeithiol ac effeithlon ac yn ceisio barn ar y modd y gallwn ymateb yn fwy effeithlon i’r gwasanaethau y mae ar ein cwsmeriaid eu hangen.

Agosatrwydd Cymunedol

• Byddwn yn ceisio darparu gwasanaethau mor agos at y cwsmeriaid â phosibl.
• Byddwn yn ymdrechu i integreiddio ein gwasanaethau gyda chyrff sector statudol a gwirfoddol.
• Byddwn yn buddsoddi mewn cymunedau lleol trwy ein hardal weithredu, gan weithio ochr yn ochr ag asiantaethau statudol i adfywio ac adeiladu cymunedau diogel a sefydlog.
• Byddwn yn cynnig dewisiadau a chyfleoedd i breswylwyr gymryd rhan mewn penderfyniadau am y ffordd y mae gwasanaethau yn cael eu darparu, gyda’r nod o ddangos bod preswylwyr yn gyrru'r modd y mae’r gwasanaeth yn gwella yn ei flaen.

Buddsoddi yn Ein Pobl

• Rydym yn rhoi gwerth ar ein holl staff, sydd yn un o’n prif asedau.
• Byddwn yn buddsoddi mewn hyfforddi, datblygu ac yn lles ein staff ac yn cynnal ein hymrwymiad i Raglenni Buddsoddwyr Mewn Pobl.
• Byddwn hefyd yn buddsoddi yn natblygiad Aelodau ein Bwrdd, i’w galluogi i gael digon o wybodaeth a bod yn effeithiol yn eu gwaith.

Cydraddoldeb Cyfle

• Rydym yn ymroddedig i hyrwyddo cyfleoedd cyfartal ym mhob agwedd o’n gwaith, a byddwn yn ymdrechu i wella mynediad at gyflogaeth, gwasanaethau ac adeiladau i bobl gydag anableddau.
• Byddwn yn cyfathrebu â’n cwsmeriaid, gweithwyr a phartneriaid busnes eraill trwy’r iaith o’u dewis a byddwn yn hyrwyddo manteision gwasanaeth hollol ddwyieithog yn unol ag ysbryd ein Polisi Iaith Gymraeg.