Diwrnod ym mywyd Partner Ansawdd

"Mae gwirfoddoli i fod yn Bartner Ansawdd yn ffordd wych o gymryd rhan yn Clwyd Alyn

Rwyf wedi bod yn Bartner Ansawdd am dros flwyddyn ac rwyf wedi mwynhau gweld y gwaith caled sy’n mynd ymlaen tu ôl i’r llenni, mae’r gymdeithas yn ceisio cynnig gwasanaethau o ansawdd, ond, mae pethau weithiau yn mynd o chwith a dyna lle mae’r Partneriaid Ansawdd yn ddefnyddiol i nodi problemau posibl. Rydym yn archwilio agweddau gwahanol ‘ar hap’ o’r gwasanaethau a ddewisir sy’n cael eu darparu gan y gymdeithas.  Rydym ar hyn o bryd yn gweithio ar ‘DRWSIO’ sy’n golygu siarad gyda thenantiaid eraill sydd wedi derbyn gwaith trwsio yn eu cartref o fewn y tri mis diwethaf. Ar ôl i’r data i gyd gael ei gasglu, bydd y grŵp yn edrych ar yr holl wybodaeth ac yn adolygu’r agweddau cadarnhaol a negyddol o’r gwasanaethau.  Yna bydd y Partneriaid Ansawdd yn gwneud argymhellion ar sail eu canfyddiadau."

Louisa Diamond, Partner Ansawdd