Gyrfaoedd

Tai Pennaf yn derbyn prif wobr am fod yn le braf i weithio
 
Rydym yn falch iawn o gyhoeddi ein bod wedi cael lle yn swyddogol ar restr y Sunday Times o’r Cwmnïau Gorau i weithio iddynt am 2010, sy’n cynnwys cwmnïau canolig yn cyflogi rhwng 250 a 5,000 o staff.
 
Rydym hefyd yn un o ddim ond 31 Landlord Cymdeithasol Cofrestredig yn y DU ac un o ddim ond tri darparwr sy’n Landlord Cymdeithasol Cofrestredig i gael y Dosbarth Cyntaf Un Seren dan y cynllun achredu “Mynegai Cwmnïau Gorau” a redir gan y Sunday Times.
 
Cyhoeddwyd y gwobrau yn y Sunday Times ar 7 Mawrth 2010 ac mae’n cydnabod ymdrechion y tîm cyfan i wneud hwn yn lle gwych i weithio.
 
Derbyniodd Roger Waters, Prif Weithredwr Grŵp Tai Pennaf y Wobr mewn cinio yn Llundain ac roedd Graham Worthington y Prif Weithredwr a Gill Murgatroyd y Cyfarwyddwr Adnoddau Dynol hefyd yn bresennol.
 
Dywedodd y Cyfarwyddwr Adnoddau Dynol Gill Murgatroyd “Dyma’r tro cyntaf i ni ymgeisio am gael ein rhestru yn y Sunday Times, ac rwy’n teimlo’n falch iawn gan mai ni yw’r unig Ddarparwr Tai Cymdeithasol o Gymru i gyrraedd rhestr y 100 uchaf.”
 
Ychwanegodd Roger Waters, Cadeirydd Pennaf “Roedd yn fraint mynychu’r digwyddiad 100 Cwmni Gorau i Weithio Iddynt gan y Sunday Times ac rwyf mor falch fy mod yn arwain Grŵp Pennaf. Mae’r clod, fodd bynnag, yn mynd i’r staff yn y Grŵp sy’n cyfrannu at wneud Pennaf yr hyn ydyw! Rwyf yn wirioneddol falch bod ein gweithwyr yn gweld Pennaf fel Cwmni Gorau i Weithio Iddo.”
 
Os ydych chi am ddod yn rhan o’n llwyddiant pam na edrychwch chi ar ein cyfleoedd gwaith presennol sy’n cael eu rhestru ar y chwith i’r dudalen hon.