Cynllun Storfeydd Beiciau Newydd ClwydAlyn yn Darparu Ardaloedd Storio Awyr Agored Diogel i Breswylwyr

“Rydyn ni’n falch iawn o weithio gyda ClwydAlyn, diolch i nawdd gan Lywodraeth Cymru, a darparu’r unedau storio beiciau diogel newydd hyn ar gyfer cartrefi ac ardaloedd cymunedol ledled Cymru. Fel rhan o Gam 1 ein Rhaglen Siediau Beiciau, rydyn ni’n gosod 40 uned storio yn ardaloedd wyth cymdeithas dai a’r bwriad yw gosod rhagor ger gorsafoedd rheilffordd. Bydd y gwelliannau ymarferol hyn yn ei gwneud yn haws i bobl gerdded, beicio a defnyddio unrhyw offer arall sydd ag olwynion, ac rydyn ni’n falch o ddod â’r manteision hyn i gymunedau sy’n cael eu gwasanaethu gan ClwydAlyn.”

“Fel rhan o’r SATC newydd, mae ClwydAlyn wedi ymrwymo i ddarparu ardaloedd storio cadarn, cloadwy, allanol i’n preswylwyr. Mae’r unedau storio hyn yn helpu preswylwyr i storio eitemau fel beiciau, offer garddio, cadeiriau gwthio a chymhorthion symudedd, gan eu hannog i ddefnyddio dulliau teithio llesol ar yr un pryd.

“Rydyn ni’n ddiolchgar iawn i fod yn rhan o’r prosiect hwn gyda Trafnidiaeth Cymru ac am yr arian a ddarparwyd gan gynllun Trafnidiaeth Cymru a Llywodraeth Cymru. Hyd yma, rydyn ni wedi gosod pedair uned storio beiciau ar gyfer ein preswylwyr ym Mhrestatyn, Bagillt, Yr Wyddgrug a Wrecsam.

“Rydyn ni’n bwriadu parhau i weithio gyda Trafnidiaeth Cymru i osod rhagor o unedau storio eleni fel y gall mwy o breswylwyr elwa ar gyfleusterau storio beiciau diogel. Mae unedau Cyclehoop yn wych. Maen nhw’n gadarn, yn gallu gwrthsefyll fandaliaeth, ac yn eithriadol o ddiogel. Trwy osod yr unedau storio hyn, ynghyd â mentrau eraill i helpu preswylwyr i ddefnyddio beiciau, ein gobaith yw y bydd hyn yn arwain at welliant gwirioneddol mewn teithio llesol, yn ogystal â chael effaith gadarnhaol ar lesiant corfforol a meddyliol.”