Byddai rhoi diwedd ar ddigartrefedd yn golygu na fyddai neb yn cysgu ar y strydoedd nac yn byw mewn llety dros dro. Byddai pobl yn gallu dewis lle maent yn dymuno byw ac ym mha fath o ddeiliadaeth. Byddai cymunedau sefydlog yn datblygu lle gall pobl ffynnu, byw’n dda ac elwa ar y cyfleoedd a ddaw o gael cyfeiriad parhaol a chartref sy’n angor mewn bywyd.
Ein cynllun corfforaethol 2025 – 2030
Mae ein cynllun corfforaethol 2025 – 2030 yn nodi ein cenhadaeth i roi diwedd ar dlodi yng Ngogledd Cymru.
Ein tair blaenoriaeth:
Rhoi diwedd ar ddigartrefedd
Sicrhau bod gan ein preswylwyr a staff gartrefi cynnes
Byddai ein holl breswylwyr yn byw mewn cartrefi cynnes. Byddant yn gartrefi sy’n effeithlon o ran ynni ac yn fforddiadwy i’w gwresogi ac i fyw ynddynt. Mae ein holl gartrefi wedi’u datblygu law yn llaw â thechnoleg ac maent wedi’u hinswleiddio’n dda iawn ac yn ddeallus. Ni fydd angen gwaith adeiladu neu addasiadau pellach i’n
cartrefi, ac ni fyddant yn cael effaith niweidiol ar yr amgylchedd.
Gweithio gyda phartneriaid i sicrhau bod bwyd da a fforddiadwy ar gael ym mhob un o’n cymunedau
Byddai holl breswylwyr ClwydAlyn yn gallu cael gafael ar fwyd da. Gall pob unigolyn gael gafael ar fwyd iach, maethlon sy’n bodloni ei anghenion deietegol a diwylliannol. Bydd ganddynt y wybodaeth, sgiliau a’r adnoddau i baratoi prydau. Bydd sawl ffordd o gael gafael ar fwyd da yn ein cymunedau, o dyfu eich bwyd eich hun, defnyddio
marchnadoedd cymunedol neu siopau lleol a dewisiadau adwerthu fforddiadwy eraill. Bydd gan ein preswylwyr ddewisiadau bwyd, a byddant yn dewis ffordd o fyw sy’n dda ac yn faethlon.
01
- 03
Bum mlynedd yn ôl, gwnaethom ymrwymo i ddefnyddio ein hadnoddau i wneud llawer mwy na bod yn landlord da, a mynd i’r afael ag un o’r heriau mwyaf sy’n wynebu llawer o’n cymunedau ledled y rhanbarth.
Rydym wedi cyflawni llawer yn ystod y cyfnod hwn – o adeiladu dros 1,000 o gartrefi newydd o ansawdd a buddsoddi llawer iawn i wneud ein cartrefi presennol yn gynhesach ac yn fwy fforddiadwy i’w gwresogi, creu partneriaethau i sicrhau bod bwyd fforddiadwy, iach ar gael a darparu profiadau a chyfleoedd gwaith i bobl leol ifanc.
Er bod ein gwaith yn dal i wneud gwahaniaeth, rydym yn gwybod fod tlodi ac anghydraddoldebau ar gynnydd ledled Gogledd Cymru, ac mae graddfa’r her yn golygu mai’r unig ffordd y gallwn gyflawni’r nodau ac amcanion uchelgeisiol hyn yw drwy gydweithio.
Os ydych chi’n rhannu’r un nodau ac rydych yn awyddus i weld sut gallwn wneud mwy a gweithio’n well gyda’n gilydd, mae croeso i chi gysylltu â ni yn communications@clwydalyn.co.uk i drefnu sgwrs gyda’n Tîm Gweithredol.