Preswylwyr yn symud i mewn i’w cartrefi newydd ynni-effeithlon yn Sir Ddinbych yn barod ar gyfer y Nadolig!

Mae preswylwyr wedi dechrau symud i mewn i’w cartrefi newydd ar ddatblygiad newydd gwerth £11 miliwn ClwydAlyn, sef Maes y Llan ar Ffordd Rhuddlan, Bodelwyddan yn Sir Ddinbych.

Mae’r darparwr tai cymdeithasol ClwydAlyn wedi trosglwyddo’r allweddi i breswylwyr newydd cam un datblygiad Maes y Llan ym Modelwyddan, Sir Ddinbych. Symudodd y preswylwyr i’r 21 o gartrefi newydd ym Maes y Llan, Bodelwyddan, Sir Ddinbych. Bydd y 24 o gartrefi sy’n weddill yn cael eu cwblhau yn y Flwyddyn Newydd. Mae’r cartrefi modern am oes yn cael eu hadeiladu gan K&C Construction, fel rhan o Gynllun Datblygu Lleol (CDLl) Cyngor Sir Ddinbych. Mae cartrefi cam un yn cynnwys 17 o dai dwy a thair ystafell wely, yn ogystal ag 16 o fflatiau un a dwy ystafell wely.

Defnyddio Technolegau Gwyrddach a Dyluniadau Arloesol i Adeiladu Tai

I helpu preswylwyr i ymdopi â chostau cynyddol tanwydd a lleihau’r effaith niweidiol gall tai sy’n llai effeithlon o ran ynni ei chael ar iechyd, llesiant, a’r amgylchedd, defnyddiwyd Dulliau Adeiladu Modern i godi pob eiddo ym Maes y Llan. Maent hefyd yn elwa ar lefelau uchel o inswleiddio, a phympiau gwres ffynhonnell aer i ddarparu gwres a dŵr poeth. Yn ogystal â hyn, mae ganddynt baneli trydan solar ac maent wedi’u lleoli i wneud y mwyaf o wres yr haul a golau naturiol.

Hefyd:

Mae gan bob cartref gyfleusterau gwefru cerbyd trydan
Defnyddiwyd cynifer o ddefnyddiau naturiol a chynaliadwy â phosibl i’w hadeiladu
Defnyddiwyd gweithgynyrchwyr a chyflenwyr lleol ar gyfer y defnyddiau adeiladu, gan gadw’r ôl-troed carbon yn isel

“Fy argraff gyntaf o’m cartref newydd yw ei fod yn eang ac yn gynnes braf, ac mae’n teimlo mor groesawgar.”

Sarah Alcock

preswyliwr

“Mae byw yma yn mynd i fod o fudd mawr i ni.”

Phoebe Garratt

preswylwyr

“Roeddwn yn arfer byw mewn fflat ar y llawr uchaf gyda’r tri phlentyn, sy’n dair, chwech a deg oed; bydd yn newid enfawr i’n bywydau.

“Mae’n newid mawr iawn ac yn amseru perffaith mewn pryd ar gyfer y Nadolig.”

Ella Potts

preswylwyr

“Rydyn ni wrth ein bodd i weld ein preswylwyr newydd yn symud i’w cartrefi ym Modelwyddan yn barod ar gyfer y Nadolig. Ar yr adeg arbennig hon o’r flwyddyn, mae cartref newydd yn symbol o ddechrau newydd i’r 33 o unigolion a’u teuluoedd.
“Mae’r cartrefi yn cyfuno dyluniad ynni isel, gyda datrysiadau gwres cynaliadwy, felly gall ein preswylwyr fwynhau cartrefi cynhesach sy’n rhatach i’w rhedeg ac yn well i’r amgylchedd. Rydyn ni’n dymuno Nadolig llawen, diogel a chynnes iawn i’n preswylwyr newydd ym Maes y Llan!”

Penny Storr

Pennaeth Datblygu a Thwf ClwydAlyn

“Mae gan y Cyngor berthynas waith dda gyda ClwydAlyn, ac mae hyn yn ein helpu i ddarparu tai fforddiadwy gwych ledled y sir. Mae adeiladu cartrefi o ansawdd uchel ar gyfer preswylwyr Sir Ddinbych yn flaenoriaeth i ni bob amser. Bydd y cartrefi newydd hyn yn helpu i ateb y galw yn lleol am dai drwy ddarparu llety modern, fforddiadwy, ac effeithlon o ran ynni, ac rydyn ni’n falch o weld preswylwyr yn dechrau symud i mewn ym Maes y Llan, Bodelwyddan – mewn pryd i fwynhau’r Nadolig yn eu cartrefi newydd.”

Liz Grieve

Pennaeth y Gwasanaeth Tai a Chymunedau

I gael rhagor o wybodaeth am ddatblygiadau newydd ClwydAlyn ledled Gogledd a Chanolbarth Cymru, ewch i: www.clwydalyn.co.uk/developments

I gael rhagor o fanylion am ddatblygiad Maes y Llan, ewch i: Maes y Llan, Ffordd Rhuddlan – Clwydalyn