Datblygu 83 o Gartrefi Fforddiadwy Newydd ym Mwcle

Yn ddiweddar fe wnaeth ClwydAlyn groesawu Maer Bwcle, y Cynghorydd Lorraine Rathbone, Marj Cooper, Rheolwr y Strategaeth Dai a Paul Calland, Rheolwr Strategol y Rhaglen Dai a Chyflawni, Cyngor Sir y Fflint i ddigwyddiad arbennig i ddathlu cynnydd ar safle Well Street – datblygiad o dai fforddiadwy newydd ar gyfer y gymuned leol.

Mae datblygiad Well Street, sy’n werth £18 miliwn, yn cynnwys 83 o gartrefi modern, a ddatblygwyd gan ClwydAlyn ar y cyd â’r contractwr Castle Green Partnerships, Cyngor Sir y Fflint a Llywodraeth Cymru. Bydd y cartrefi ar y datblygiad cynaliadwy yn cael eu dyrannu i deuluoedd lleol drwy Gofrestr Dai un llwybr mynediad a Tai Teg.

Cartrefi Fforddiadwy i Breswylwyr Lleol

Mae datblygiad arloesol ClwydAlyn yn cyfuno dewis o dai modern 2, 3 a 4 ystafell wely, byngalos 2 ystafell wely a fflatiau 1 ystafell wely. Bydd y datblygiad hefyd yn elwa ar ddau fynaglo pwrpasol wedi’u haddasu, a gaiff eu dyrannu i breswylwyr â gofynion hygyrchedd.

Costau Tanwydd Is ac Arbedion Ynni

Mae pob un o gartrefi ClwydAlyn yn Well Street wedi cael eu dylunio i gadw biliau tanwydd mor isel â phosibl. Bydd y cartrefi hefyd yn helpu’r amgylchedd ac yn cynnig arbedion tanwydd ac allyriadau carbon is sy’n cyfrannu at ddyfodol gwyrddach.

Wedi’u gwersogi gan bympiau gwres ffynhonnell aer
Paneli trydan solar
Wedi’u lleoli i fanteisio i’r eithaf ar ynni’r haul a golau naturiol
Cyfleusterau gwefru ceir trydan

“Rydyn ni’n falch o ddatblygu’r cartrefi hyn ym Mwcle, a fydd yn darparu cartrefi modern, fforddiadwy a diogel i 83 o deuluoedd ac unigolion o’r ardal.
“Gan weithio gyda’r partner adeiladu dibynadwy Castle Green Homes Ltd ar y cyd â Chyngor Sir y Fflint a Llywodraeth Cymru, mae disgwyl i’r datblygiad gael ei gwblhau erbyn yr haf 2027. Rydyn ni’n edrych ymlaen i groesawu preswylwyr newydd i gam cyntaf y datblygiad erbyn y gwanwyn 2026.”

Penny Storr

Pennaeth Datblygu a Thwf, ClwydAlyn

“Roedden ni’n falch iawn o fod yn y digwyddiad diweddar yn Well Street, Bwcle i ddathlu’r gwaith sy’n mynd rhagddo. Mae’n braf gweld y cynnydd da i ddatblygu catrefi fforddiadwy, modern ychwanegol yn Sir y Fflint.”

Marj Cooper

Rheolwr Strategaeth Dai Cyngor Sir y Fflint

"Bydd y fenter hon yn cynnig gobaith i’r bobl ym Mwcle sy’n aros am gartrefi yn eu cymuned, naill ai drwy brynu eu cartref eu hunain neu drwy gymdeithas dai ClwydAlyn."

Cynghorydd Rathbone

Maer Bwcle

“Rydyn ni’n hynod o falch o adeiladu ein trydydd safle yn Sir y Fflint mewn partneriaeth â Clwyd Alyn, sefydliad mae gennym berthynas waith dda gydag ef. Rydyn ni’n gwmni lleol o Ogledd Cymru, ac rydyn ni’n falch o ddarparu tai fforddiadwy sydd wedi’u dylunio’n dda ac sy’n effeithlon o ran tanwydd. Mae galw mawr iawn am dai fforddiadwy a’n nod yw adeiladu llawer mwy o ddatblygiadau tebyg gyda Clwyd Alyn yn y blynyddoedd i ddod, gan gynnig cyfleoedd gyrfaoedd gwych yn y cymunedau lle rydyn ni’n gweithio ar yr un pryd.”

Eoin O'Donnell

Cyfarwyddwr Partneriaethau Castle Green

Mae pob cartref newydd yn Well Street yn bodloni ac yn rhagori ar y safonau rheoleiddio presennol gan gynnwys Safon Ansawdd Tai Llywodraeth Cymru, Gofynion Ansawdd Datblygu Llywodraeth Cymru a Safonau Cartrefi Gydol Oes Llywodraeth Cymru.

I gael rhagor o wybodaeth am y datblygiad hwn a datblygiadau eraill ClwydAlyn ledled Gogledd a Chanolbarth Cymru, ewch i: www.clwydalyn.co.uk/developments

01 - 21