Cartrefi Fforddiadwy

Eiddo ar rent gyda’r rhent wedi ei osod yn uwch na Rhent Tai Cymdeithasol ond yn is na rhent marchnad agored (yn gyffredinol rhwng y gyfradd Lwfans Tai a 80% o’r rhent marchnad agored).

Mae eiddo Rhent Canolraddol yn cael eu rhentu ar Gontract Meddiannaeth Safonol, mae hyn yn wahanol i’r contract ar gyfer Tai Cymdeithasol, ond mae’n dal i roi sicrwydd daliadaeth ac mae budd-daliadau hefyd yn cael eu hystyried.

Mae ein holl eiddo Rhent Canolraddol yn cael eu dyrannu trwy TaiTeg, sy’n cadw’r Gofrestr Tai Fforddiadwy yng Ngogledd Cymru.

Mae Rhentu i Brynu Cymru yn cefnogi prynu cartref i’r rhai nad oes ganddynt ddigon o arian ar gyfer blaendal morgais. Mae’r cynllun yn helpu preswylwyr i gasglu cyfandaliad at flaendal tra byddant yn rhentu eu cartref, y gellir ei ddefnyddio i helpu i sicrhau morgais.

Gall y cartref gael ei brynu 2 i 5 mlynedd ar ôl symud i mewn ac yn y cyfnod hwn mae 25% o’r rhent a dalwyd yn cael ei gadw tuag at y cyfandaliad yn ogystal â 50% o’r cynnydd yng ngwerth yr eiddo (os o gwbl) yn ystod y cyfnod.

Mae ein holl eiddo Rhentu i Brynu yn cael eu dyrannu trwy TaiTeg, sy’n cadw’r Gofrestr Tai Fforddiadwy yng Ngogledd Cymru.