Cae Swch, Llan Ffestiniog, Gwynedd

Bydd y datblygiad £3.5 miliwn hwn yn darparu 10 o gartrefi fforddiadwy, effeithlon o ran ynni yn ardal wledig Cae Swch, Llan Ffestiniog ym Mharc Cenedlaethol Eryri. Adeiladir y cartrefi yma gan WTS (Wales Timber Solutions) ar ran ClwydAlyn ac mewn partneriaeth â Chyngor Gwynedd a Llywodraeth Cymru (wedi ei ariannu gan y grant tai cymdeithasol).

Mae’r gymysgedd o gartrefi yn cynnwys cartrefi 2, 3 a 4 ystafell wely. Adeiladir yr holl gartrefi fel cartrefi am oes ac maent wedi eu dylunio i fod yn hawdd eu haddasu yn ôl anghenion y preswylwyr wrth iddynt newid, gan eu helpu i fyw’n annibynnol yn hwy.

Bydd y cartrefi newydd hyn yn bodloni ac yn mynd tu hwnt i’r safonau rheoleiddiol presennol: Safon Ansawdd Tai Cymru Llywodraeth Cymru, Gofynion Ansawdd Datblygu Llywodraeth Cymru a safonau Tai a Lleoedd Hardd Llywodraeth Cymru.

Nod ClwydAlyn yw taclo tlodi tanwydd a helpu i leihau’r effaith y gall cartrefi llai effeithlon o ran ynni ei gael ar iechyd a lles pobl. Wedi eu hadeiladu gan ddefnyddio technolegau mwy gwyrdd a dyluniadau blaengar, mae’r cartrefi newydd yma’n effeithlon iawn o ran ynni ac yn manteisio ar:

Pympiau gwres ffynhonnell aer
Paneli trydan solar
Cartrefi wedi eu gosod i wneud y mwyaf o’r haul a golau naturiol
‘Dulliau Adeiladu Modern’, gan ddefnyddio cymaint o ddeunyddiau naturiol a chynaliadwy ag sy’n bosibl
Canfod deunyddiau gan weithgynhyrchwyr a chyflenwyr lleol, gan gadw’r ôl troed carbon yn isel.

Gall y cartrefi yma wneud gwahaniaeth mawr. Byddant yn helpu preswylwyr i gefnogi’r amgylchedd; arbed ynni gwerthfawr ac fe allant arbed arian yn y pen draw hefyd.

Mae 16 o gartrefi ar y safle

4 x Cartref 2 Ystafell Wely
10 x Cartref 3 Ystafell Wely
2 x Gartref 4 Ystafell Wely

Manteision byw yn ein cartrefi

Effeithlon o ran ynni

Wedi eu hadeiladu i’r safonau uchaf o ran effeithlonrwydd ynni, gan ddefnyddio’r technolegau a deunyddiau diweddaraf, i sicrhau bod eich cartref yn gost effeithiol i’w redeg.

Cefnogaeth gyfeillgar

Cefnogaeth gyfeillgar gan eich Swyddog Tai penodol, sy’n ddwyieithog.

Rheoli eich tenantiaeth ar-lein

Mae FyClwydAlyn yn wasanaeth ar-lein am ddim, diogel i reoli eich tenantiaeth unrhyw le, unrhyw bryd.