Fe wnes i ddewis ymuno â thîm trydanol ClwydAlyn gan mai prentisiaeth oedd y dewis mwyaf addas ar gyfer fy natblygiad gan ei bod yn well gennyf ddysgu mewn ffordd ymarferol.

Rwyf wedi cyfarfod mentoriaid gwych yn y grŵp sydd wedi trosglwyddo llawer iawn o wybodaeth yr wyf yn awr yn ei defnyddio yn ddyddiol.

Edrych yn ôl a gweld cymaint yr wyf wedi ei ddysgu a thyfu yw fy hoff ran o’r gwaith. Yn y dyfodol rwy’n bwriadu cael cymwysterau llawn ac mae gennyf rai nodau gyrfa yn eu lle. Ond ar hyn o bryd rwy’n canolbwyntio ar y coleg a chynyddu fy ngwybodaeth yn y grefft hon.’

Yn Ebrill 2007, roeddwn yn ddigon ffodus i gael lleoliad profiad gwaith yn y tîm Plymio a Gwresogi. Ar y pryd roeddwn yng Ngholeg Llandrillo yn dilyn NVQ ac roedd arnaf angen lleoliad gwaith i barhau i fy ail flwyddyn.

Diolch byth, fe wnaeth ClwydAlyn ddarparu hyn ym Medi 2008 pan oeddent yn hysbysebu’r swydd prentis Plymio a Gwresogi, y gwnes i ymgeisio amdani. Roeddwn yn llwyddiannus yn y broses recriwtio a chychwynnais yn swyddogol ar fy amser gyda’r grŵp. Yn ystod yr ychydig flynyddoedd nesaf, fe wnes i gwblhau fy nghwrs coleg a’r brentisiaeth, a phan ddaeth swydd ar gael, fe gymerais y cam i fyny i swydd peiriannydd Plymio a Gwresogi.

Yn 2017, gyda’r tîm a’r grŵp yn ehangu roedd angen cael Goruchwyliwr Plymio a Gwresogi, swydd yr oeddwn yn meddwl fyddai’n addas ac yn fy helpu i symud ymlaen.

Cefais fy mhenodi yn oruchwyliwr ar y tîm Plymio a Gwresogi. Roeddwn yn gwneud y swydd honno mor ddiweddar ag Awst y llynedd, pan hysbysebwyd fy swydd bresennol yn y tîm Rheoli Asedau. Penderfynais ei bod hi’n bryd cael newid.

Fe’m penodwyd yn Brif Swyddog Asedau, lle’r wyf yn rheoli pedwar o staff ac amrywiol ffrydiau gwaith cydymffurfio. Rwyf yn gwirioneddol fwynhau dysgu sgiliau newydd ac ehangu fy ngwybodaeth mewn rhan wahanol o’r gymdeithas.

“Fe wnaethom gais i ClwydAlyn i gael gwell dealltwriaeth o’r diwydiant tai. Fe wnaethom dreulio amser gyda’r tîm Marchnata, Cyllid a Datblygu yn ystod ein hwythnos.

Roedd yr holl aelodau o’r staff yn wybodus ac yn bleser cydweithio â nhw. Yr hyn wnaeth ein synnu am ClwydAlyn oedd wrth gyfarfod pob aelod o staff o bob tîm, yn gyntaf pa mor groesawus y mae pawb wedi bod ond hefyd gwrando ar sut y maen nhw’n gwneud eu gwaith a phwysigrwydd eu gwaith i wneud ClwydAlyn y cwmni ydi o.

Yn gyffredinol, mae’r ymweliad hwn wedi rhoi cipolwg i ni ar yrfa gyda thai ac mae’n barn am y sector tai wedi newid gan fy mod yn awr yn gwybod llawer mwy felly mae fy nealltwriaeth wedi datblygu’n fawr. Bu ein hymweliad â ClwydAlyn yn brofiad rhyfeddol y byddem ni’n bendant yn ei wneud eto.”

Mae gweithio i ClwydAlyn yn wahanol bob dydd, rwy’n mwynhau’r gwaith a’r bobl yr wyf yn eu cyfarfod. Gan ClwydAlyn y mae’r staff a rheolwyr gorau, mae fel awyrgylch teulu, mae pawb yn gytûn ac yn gweithio fel tîm.
Mae digon o gyfleoedd yn ClwydAlyn ac os bydd gweithwyr am symud ymlaen neu symud i ran arall o’r busnes, mae’r cyfle yno bob amser.

Bydd ClwydAlyn yn eich helpu ym mhob ffordd bosibl. Yn anffodus, yn ddiweddar, rwyf wedi bod trwy amser caled yn fy mywyd personol, allai ClwydAlyn ddim gwneud digon i mi. Roedd arnaf angen lleihau fy oriau ac ni wnaethant oedi cyn caniatáu hyn.

Mae’r cydbwysedd bywyd gwaith yn dda, rwy’n cael penwythnosau i mi fy hun a’m teulu. Mae ClwydAlyn yn gyflogwr rhagorol pan ddaw’n fater o gynhwysiant, mae pawb yn cael yr un cyfle beth bynnag yw ei oed, anabledd, ethnigrwydd.
Mae’r manteision o weithio i ClwydAlyn yn wych – llawer o wyliau, pensiwn, tâl salwch, pryd poeth bob dydd, talebau prawf llygaid, sgrinio iechyd, dim ond i enwi ychydig.