Teuluoedd yn symud i Gartrefi Newydd Fforddiadwy ym Mharc Cenedlaethol Eryri
Mae’r preswylwyr wedi symud i mewn i ddatblygiad tai modern, ynni-effeithlon Cae Swch, Llan Ffestiniog, Gwynedd, a gwblhawyd yn ddiweddar. Adeiladwyd y tai gan Wales Timber Solutions (WTS) ar ran y darparwr tai cymdeithasol ClwydAlyn, gyda chyllid grant tai cymdeithasol mewn partneriaeth â Chyngor Gwynedd a Llywodraeth Cymru.
Cartrefi Fforddiadwy i Breswylwyr Lleol
Mae’r preswylwyr newydd wedi symud i mewn i ddatblygiad o 16 cartref ym Mharc Cenedlaethol Eryri. Adeiladwyd y tai 2, 3 a 4 ystafell wely, sydd wedi costio £3.5 miliwn i’w cwblhau, gan y contractwr lleol Wales Timber Solutions (WTS), gyda chyllid grant tai cymdeithasol.
Cost-effeithiol ac Ynni-effeithlon
Cafodd yr 16 o gartrefi newydd yng Ngae Swch eu dylunio gan roi sylw i effeithlonrwydd ynni, gyda’r nod o gadw biliau yn isel i’r preswylwyr. Defnyddiwyd technolegau gwyrddach, gan gynnwys pympiau gwres ffynhonnell aer a phaneli trydan solar i sicrhau bod y cartrefi yn gost-effeithiol i’w rhedeg ac yn cefnogi’r amgylchedd.
- Pympiau gwres ffynhonnell aer
- Paneli trydan solar
- Lleoliad sy’n gwneud y mwyaf o wres yr haul a golau naturiol
- Cyfleusterau gwefru cerbyd trydan
Cartrefi Modern, Diogel, Cynnes
Defnyddiwyd ‘Dulliau Adeiladu Modern’ i godi’r cartrefi, ac maent yn cynnwys cynifer o ddefnyddiau naturiol a chynaliadwy â phosibl. Yn ogystal â hyn, daeth cynifer â phosibl o’r defnyddiau o wneuthurwyr a chyflenwyr lleol, gan gadw ôl-troed carbon y gwaith adeiladu yn isel.
Croesawu Preswylwyr Newydd
Mae pob cartref newydd yn natblygiad Cae Swch yn bodloni ac yn rhagori ar y safonau rheoleiddio presennol gan gynnwys Safon Ansawdd Tai Cymru, Gofynion Ansawdd Datblygu Llywodraeth Cymru a Safonau Cartrefi Gydol Oes Llywodraeth Cymru.
I gael rhagor o wybodaeth am y datblygiad hwn a datblygiadau eraill ClwydAlyn ledled Gogledd a Chanolbarth Cymru, ewch i: https://www.clwydalyn.co.uk/cy/our-developments/
“Mae ein Swyddog Tai cyfeillgar yn ddwyieithog felly gall pob un o breswylwyr newydd Cae Swch dderbyn cymorth yn yr iaith o’u dewis.”
“Daw hyn ar amser hollbwysig. Ar hyn o bryd mae bron i 4,500 o bobl ar y rhestr aros am dai cymdeithasol yng Ngwynedd ac un o flaenoriaethau’r Cyngor yw mynd i’r afael â’r galw hwn wrth i ni weithio i sicrhau y gall pobl leol gael mynediad at gartrefi addas, fforddiadwy, o ansawdd yn eu cymunedau.
"Rydyn ni’n gweithio’n galed i fynd i’r afael â’r argyfwng tai sy’n dal i gael effaith ddifrifol ar ein cymunedau, a thrwy weithio’n agos mewn partneriaeth â chymdeithasau tai fel ClwydAlyn gallwn ddarparu’r cartrefi modern, cynaliadwy ac effeithlon o ran ynni y mae dirfawr eu hangen ar bobl Gwynedd.”
