Neuadd Maldwyn, Powys

Mae Neuadd Maldwyn yn Gynllun Byw’n Annibynnol newydd pwrpasol i bobl hŷn, ac mae’n cynnig cyfuniad unigryw o ffordd o fyw’n annibynnol, gyda gofal a chymorth hyblyg 24 awr ar y safle yn ôl yr angen, gan roi tawelwch meddwl nawr ac yn y dyfodol.

Rydym wedi defnyddio ein profiad helaeth i ddatblygu fflatiau o ansawdd uchel, sydd wedi’u hadeiladu’n bwrpasol i ddarparu amgylchedd delfrydol ar gyfer eich holl anghenion, gan gynnig gofal a chymorth hyblyg i hybu annibyniaeth.

Mae Neuadd Maldwyn yn adeilad rhestredig Gradd II neo-Sioraidd ac roedd yn cael ei ddefnyddio gan Gyngor Sir Powys tan 2021; cyn hynny, roedd yn bencadlys Cyngor Dosbarth Maldwyn a Chyngor Sir Drefaldwyn. Mae’r adeilad yn dyddio’n ôl i ddechrau’r ugeinfed ganrif ac wrth ei drosi yn fflatiau mae cymeriad yr adeilad a llawer o’r nodweddion gwreiddiol wedi cael eu cadw.

Mae ein pwyslais ar ddylunio da yn amlwg ym mhob agwedd ar y cynllun a’r fflatiau – maent wedi’u hinswleiddio i fod yn gysurus ac yn effeithlon o ran ynni, maent yn defnyddio technoleg sy’n helpu pobl i fyw’n annibynnol, maent yn ddiogel ac yn gyfleus, ac maent hefyd yn cynnig amgylchedd modern, chwaethus a chartrefol ynghyd â thiroedd deniadol sy’n cael eu cynnal yn dda.

• Nodweddion allweddol:
• Fflatiau 1 a 2 ystafell wely i’w rhentu yn amodol ar fodloni meini prawf cymhwysedd
• Preifatrwydd ac annibyniaeth
• Gerddi wedi’u tirlunio
• Bwyty
• Lolfa
• Ystafell amlweithgaredd
• Ystafell ymolchi â chymorth ar wahân
• Ystafell golchi dillad
• Ystafelloedd i westeion
• Storfa bygis/sgwteri

Mae gwneud ffrindiau newydd yn hawdd, rydym wedi datblygu’r ardaloedd cyffredin i annog preswylwyr i gymdeithasu, ac mae pob math o gyfleusterau ar gael ar y safle.

Mae Neuadd Maldwyn yng nghanol tref y Trallwng, ac mae amwynderau a siopau lleol o fewn pellter cerdded. Mae’n hawdd cyrraedd yma ar drafnidiaeth gyhoeddus hefyd.

Sut i ymgeisio

Efallai yr hoffech chi fyw yma neu mae’n bosibl eich bod yn chwilio am rywle ar gyfer aelod o’r teulu neu ffrind. I gael rhagor o wybodaeth a mynegi eich diddordeb yn y cynllun, ffoniwch 0800 183 5757, e-bostiwch: help@clwydalyn.co.uk neu llenwch y ffurflen gyswllt isod.

Y broses ymgeisio

Os hoffech i ni ystyried eich cais i rentu fflat yn Neuadd Maldwyn, ein cynllun byw’n annibynnol i bobl hŷn, llenwch y ffurflen gais:

Ffurflen ar-lein

Pan fyddwch yn ymgeisio ar-lein, dylech sicrhau fod gennych y rhaglen Adobe neu PDF Reader ddiweddaraf. Lawrlwythwch y ffurflen gais a’i chadw ar eich cyfrifiadur, yna gallwch ychwanegu eich manylion / llenwi’r ffurflen yn electronig. Ar ôl i chi lenwi’r ffurflen a’i chadw, anfonwch hi drwy e-bost i’r cyfeiriad hwn: help@clwydalyn.co.uk

Copi papur

I ofyn am gopi papur, ffoniwch 0800 183 5757 neu e-bostiwch: help@clwydalyn.co.uk. Ar ôl i chi lenwi’r manylion anfonwch eich ffurflen i’r cyfeiriad hwn: Tîm Gwasanaethau Cwsmeriaid, ClwydAlyn, 72 Ffordd William Morgan, Parc Busnes Llanelwy, Llanelwy, Sir Ddinbych, LL17 0JD.