Newyddion Cyffredinol

Mae ClwydAlyn, y gymdeithas dai o Lanelwy, wedi codi dros £8,000 i Hosbis St. Kentigern yn ystod y flwyddyn drwy gynnal pob math o fentrau codi arian, a drefnwyd gan ei Phwyllgor Chwaraeon a Chymdeithasol.

Mae Judith Smith, 87 oed, wedi darganfod diddordeb newydd ac annisgwyl mewn barddoni, ar ôl cael ei hysbrydoli gan ei chartref newydd yn Neuadd Maldwyn, y Trallwng. Yn ogystal â rhannu ei cherddi gyda’i theulu a ffrindiau, mae hi hyd yn oed wedi derbyn gwahoddiad i’w darllen gerbron cangen leol Sefydliad y Merched. Wrth iddi fynd ati i greu llyfr o’i cherddi, mae Judith yn dweud y bydd ei theulu a chymdogion o bosibl yn gweld bod rhai o’r dyddiau allan ac anturiaethau yn ei barddoniaeth yn gyfarwydd.

Symudodd Ann Walker (yng nghanol y llun), a’i gŵr Steve i Lys Nant Mawr, cymuned i bobl dros 55 oed ym Mwcle, ddwy flynedd yn ôl. Mae Ann wrth ei bodd yn cadw’n heini ac mae ganddi agwedd benderfynol iawn. Wrth iddi ddod i adnabod ei chymdogion, sylweddolodd Ann yn fuan iawn y gallai ei phrofiad fel hyfforddwr ffitrwydd fod yn fuddiol iawn i’w chymuned. Defnyddiodd ei diddordeb mawr mewn ymarfer corff ac ysbryd cymunedol i sefydlu dosbarth ‘Aerobeg Cadair’ sydd wedi dod yn ychwanegiad poblogaidd iawn i amserlen wythnosol y cynllun tai!

Mae Kieran Jones, Swyddog Cymorth Digartrefedd, yn ysbrydoli preswylwyr ifanc gyda’i angerdd am ffitrwydd a hunan-ofal. Dywed Keiran ei bod yn fraint cefnogi pobl ifanc ar eu taith ac mae’n credu bod gan bawb y potensial i symud ymlaen ac adeiladu dyfodol da, os oes ganddynt y meddylfryd, y cymorth a’r cyfleoedd cywir. Cawsom gyfle i gael sgwrs bellach gyda Kieran, sy’n gweithio yn Llys Emlyn Williams, Treffynnon, cynllun byw â chymorth ClwydAlyn i bobl ifanc 16-24 oed …

Yn ddiweddar, cynhaliwyd gweithdy pedwar diwrnod o hyd mewn cynllun byw â chymorth yn Sir y Fflint i helpu pobl ifanc sy’n wynebu digartrefedd i wella eu sgiliau bywyd a deall sut i gynnal iechyd meddwl da.

Roedd y preswylwyr newydd wrth eu bodd yn symud i ddatblygiad newydd gwerth £11 miliwn ClwydAlyn ar Ffordd Rhuddlan, Bodelwyddan, yn ddiweddar.  

Fe wnaeth cynhadledd sy’n ceisio helpu cyflogwyr i gefnogi staff awtistig ddychwelyd i Brifysgol Wrecsam ar 19 Mawrth.

Mae’n Ddiwrnod Cenedlaethol Interniaethau â Chymorth – dathliad cenedlaethol o interniaethau â chymorth yn y Deyrnas Unedig! Cafodd y diwrnod ei sefydlu a’i lansio yn 2023 gan ein partner cyflogadwyedd, DFN Project SEARCH. Cynhelir Diwrnod Cenedlaethol Interniaethau â Chymorth ar 27 Mawrth bob blwyddyn, a’r nod yw codi ymwybyddiaeth am interniaethau â chymorth a’r interniaid gwych y mae eu profiadau yn y gweithle yn helpu i feithrin hyder, gwella sgiliau a llunio’r dyfodol!

Yn dilyn ymgyrch bosteri ddiweddar a drefnwyd fel rhan o’r grŵp Atal Hunan-laddiad ymhlith Cymunedau sydd wedi’u tanwasanaethu, daeth partneriaid o bob rhan o Sir Ddinbych a’r gymuned at ei gilydd i gefnogi’r artistiaid talentog o’r Rhyl, Freya Rees, 19 a Kenny Bond, 58. Roedd eu gwaith celf yn rhan o arddangosfa ddiddorol iawn o ddarnau gwreiddiol, a oedd yn ceisio annog sgyrsiau am ba mor bwysig yw ymwybyddiaeth o iechyd meddwl.

Mae pum teulu yn dathlu wrth symud i mewn i’w cartrefi fforddiadwy newydd a ddatblygwyd gan y landlord cymdeithasol ClwydAlyn yn Rhoslan, Ynys Môn.

Mae cymdeithas dai ClwydAlyn wedi lansio menter cynhwysiant digidol newydd er mwyn helpu preswylwyr i ddefnyddio technoleg. Bydd yn sicrhau y gall preswylwyr sy’n awyddus i wella eu llythrennedd digidol gael gafael ar y cymorth perthnasol.

Mae’r darparwr tai cymdeithasol ClwydAlyn wedi creu partneriaeth gyda Trafnidiaeth Cymru i osod unedau storio beiciau mewn nifer o’i ddatblygiadau preswyl, gan helpu preswylwyr i storio eu beiciau ac eitemau hanfodol eraill mewn man diogel sy’n gwrthsefyll y tywydd.

Cafodd Jane Bryant, Ysgrifennydd y Cabinet dros Lywodraeth Leol a Thai, gyfle i gyfarfod Penny Storr, Pennaeth Datblygu a Thwf ClwydAlyn, i weld drosti ei hun sut mae Grantiau Tai Cymdeithasol Llywodraeth Cymru, sy’n werth dros £30 miliwn, wedi siapio’r gwaith o ddatblygu 183 o dai fforddiadwy y mae galw mawr amdanynt yn Sir y Fflint.

Wrth i’r gwaith o ailddatblygu Pentref Pwylaidd Penrhos fynd rhagddo, derbyniwyd cadarnhad yn ddiweddar y bydd y cynllun ‘Cartrefi Gofal Ychwanegol’ yn cynnig cymorth gofal 24 awr y dydd, 7 diwrnod yr wythnos, ac y bydd cymorth ar gael ar unwaith petai ei angen ar y preswylwyr.

Yn ddiweddar cafodd Angharad Kellett, Swyddog Gwaith Cyfalaf ClwydAlyn, ei choroni yn ‘Brentis y Flwyddyn – Gweinyddu a Gwasanaeth i Gwsmeriaid’ Llandrillo Menai, yn Seremoni Gwobrau Dysgu Seiliedig ar Waith Gogledd Cymru.

Mae grŵp ysgrifennu creadigol cyfeillgar a chroesawgar yn profi nad yw hi byth yn rhy hwyr i ddechrau ysgrifennu. Mae’r grŵp ‘merched yn unig’ yn cyfarfod mewn cymuned byw’n annibynnol yng nghanol y Rhyl i ysgrifennu, rhannu a chreu cysylltiadau.

Mae’r landlord cymdeithasol ClwydAlyn wedi elwa ar gymorth gwerth £100,000 o’r Cynllun Rhwydwaith Effeithlonrwydd Gwres (HNES) a fydd  yn helpu i wella effeithlonrwydd y rhwydwaith gwres mewn cynllun byw’n annibynnol i bobl oedrannus yn Sir y Fflint.

Mae cymdeithas dai ClwydAlyn wedi creu partneriaeth â’r contractwr datblygu eiddo lleol DU Construction i ddarparu ardal ddysgu awyr agored newydd ar gyfer ysgol gynradd yn Ynys Môn.