Mae disgyblion Ysgol Gymuned Llanfechell yn mwynhau cyfleoedd newydd i ddysgu yn yr awyr agored a threulio amser yn creu gwelyau plannu, diolch i brosiect cymunedol a ddarparwyd gan y contractwr DU Construction a’r darparwr tai cymdeithasol, ClwydAlyn.
Am y tro cyntaf ers blynyddoedd, bydd canol tref Llandudno yn elwa ar gartrefi fforddiadwy newydd y mae galw mawr amdanynt. Adeiladwyd datblygiad newydd ClwydAlyn i fynd i’r afael â’r prinder o dai fforddiadwy sydd ar gael i bobl leol. Bydd y broses o drosglwyddo’r 77 o gartrefi newydd yn digwydd ar ddiwedd mis Mehefin.
Mae Judith Smith, 87 oed, wedi darganfod diddordeb newydd ac annisgwyl mewn barddoni, ar ôl cael ei hysbrydoli gan ei chartref newydd yn Neuadd Maldwyn, y Trallwng. Yn ogystal â rhannu ei cherddi gyda’i theulu a ffrindiau, mae hi hyd yn oed wedi derbyn gwahoddiad i’w darllen gerbron cangen leol Sefydliad y Merched. Wrth iddi fynd ati i greu llyfr o’i cherddi, mae Judith yn dweud y bydd ei theulu a chymdogion o bosibl yn gweld bod rhai o’r dyddiau allan ac anturiaethau yn ei barddoniaeth yn gyfarwydd.
Roedd y preswylwyr newydd wrth eu bodd yn symud i ddatblygiad newydd gwerth £11 miliwn ClwydAlyn ar Ffordd Rhuddlan, Bodelwyddan, yn ddiweddar.
Cafodd Jane Bryant, Ysgrifennydd y Cabinet dros Lywodraeth Leol a Thai, gyfle i gyfarfod Penny Storr, Pennaeth Datblygu a Thwf ClwydAlyn, i weld drosti ei hun sut mae Grantiau Tai Cymdeithasol Llywodraeth Cymru, sy’n werth dros £30 miliwn, wedi siapio’r gwaith o ddatblygu 183 o dai fforddiadwy y mae galw mawr amdanynt yn Sir y Fflint.
Wrth i’r gwaith o ailddatblygu Pentref Pwylaidd Penrhos fynd rhagddo, derbyniwyd cadarnhad yn ddiweddar y bydd y cynllun ‘Cartrefi Gofal Ychwanegol’ yn cynnig cymorth gofal 24 awr y dydd, 7 diwrnod yr wythnos, ac y bydd cymorth ar gael ar unwaith petai ei angen ar y preswylwyr.
Mae’r preswylwyr wedi symud i mewn i ddatblygiad tai modern, ynni-effeithlon Cae Swch, Llan Ffestiniog, Gwynedd, a gwblhawyd yn ddiweddar. Adeiladwyd y tai gan Wales Timber Solutions (WTS) ar ran y darparwr tai cymdeithasol ClwydAlyn, gyda chyllid grant tai cymdeithasol mewn partneriaeth â Chyngor Gwynedd a Llywodraeth Cymru.
Croesawyd y preswylwyr i’w cartrefi newydd ar ddatblygiad Tre Angharad, Bodedern, Ynys Môn yr wythnos hon. Bydd y datblygiad newydd o 29 o gartrefi, ger Ffordd Llundain, yn helpu i fynd i’r afael â’r prinder difrifol o dai fforddiadwy ar yr ynys. Mae’r cartrefi yn addas i deuluoedd ac yn effeithiol o ran ynni, felly byddant yn lleihau costau ac yn gwella llesiant.